KOMISIYO ISHINZWE AMATORA MU RWANDA ITI; UBWENE GIHUGU SI IKINTU CYOSE ABAGERAGEJE KUBUTAKAZA BARA BIZI.

Mukiganiro Komisiyo ishinzwe amatora y’abadepite  kimaze gutambuka kuri Radio Rwanda, Protais utuye mu mugi wa Kigali yabajije abayobozi biyo komisiyo ikibazo agira ati: Ese gutora n’itegeko cg ubushake ? Mugusubizwa umwe mu bakozi biyo komisiyo agira ati; Gutora ni ubushake bwe – ariko n’ inshingano ze nk’umunyarwanda. Ubwene gihugu si ikintu cyose, abagerageje kubutakaza bara bizi.
 
Nkaba nibaza nti; ese ahubwo ufite uburenganzi bwo kwaka ubwene gihugu ninde? Nkuko bizwi mu mezi make ashize bamwe mu banyarwanda badashyigikiye imikorere  leta ya Paul Kgame n’abidishyi be, bambuwe ubwene gihugu. Example; Rujugiro Tribert Ayabatwa (Baherutse kwifunga umutungo we, Union Trade Centre),  Frank Ntwali (Mu byara wa Gen Kayumba Nyamwasa) hamwe n’abandi benshi tudashoboye kurondora. Undi munyarwanda (Damian w' Ingoma) wabashije kubaza ikibazo k’igitugu bafite muri ano matora cyo kwishyura amafranga 200 kungirango ubashe gutora. Ese niryari umuntu arihira uburenganzira bwo gutora, kandi ari ubushake bw’utora?  

Kubera impamvu zizwi kandi zikomeje kwimikazwa na leta y’I Kigali iyobowe n’ishyaka FPR, mu migambi yo gutekinika ngo hatagira andi mashyaka (n’ubwo akorera mu kwaha kwayo) agira abayoboke n’abadepite baruta aba FPR, bamwe mu baturage bifuza impunduka baratangaza ko amazina yabo yakuwe ku ma liste y’abatora. Muri make uburenganzira bwabo bwaramizwe, cyeretse ko atari n’ubwa mbere ahubwo ari akamenyero ka FPR ihora yikanga baringa.

JD Mwiseneza
Johannesburg-South Africa.

PEREZIDA KIKWETE, UMURUNDI, UMUBYEYI WA FDLR AKABA MURAMU WA HABYARIMANA?

Jakaya Kikwete n'umufasha we Salma Kikwete

Maze kubona inkuru yasohotse kuri news of Rwanda  ikinyamakuru cya kagame, ifite umutwe ugira uti “Tanzanian president  KIKWETE married to HABYARIMANA cousin “ bishatse kuvuga ngo  “Kikwete perezida wa Tanzaniya yashatse mubyara wa Habyarimana” muriyi nkuru bikoma cyane perezida kikwete ko yaba yarashatse umugore w’umuhutukazi. N’ubwo bitantunguye ibi  byanteye kwibaza byinshi.

BYOSE N’UKUYOBYA UBURARI

Ninde munyarwanda uyobewe ko Jeannete Nyiramongi umugore wa kagame yarihiwe amashuri na ROBERT KAJUGA wari perezida w’interahamwe zatsembye abatutsi miliyoni?  Ibi se kuki bitaba ikibazo?  Mama salma Kikwete akaba ariwe uba ikibazo? Umugore wa nyakwigendera Fred Rwigema n’umuhutakazi? Ese kagame amumariye iki?  Buriya mu kwandika biriya leta ya Kagame ishaka kumvisha abanyarwanda ko kuba Kikwete asaba Kagame gushyikirana na FDRL ari umugore ubimutegeka?  Ariko kagame arasetsa koko? uziko abahutu agiye kubagira ibicibwa, abantu bagomba kunenywa, ashaka ko tubafata nka bwa bwoko bwo mu Buhinde bitaga “Paria” (intouchableS)?  Ibi binyibutsa ukuntu yishe  umusore w’umututsi wari umushoferi we LT Fred Gatumbura amuziza  gusa ko yaragiye gushaka umugore w’umuhutu kazi? Ibi byose mu kubikora n’ukugirango yikundishe kubatutsi nyamara amazi yarenze inkombe. Abatutsi baramutahuye. Yabatanzeho ibitambo muri 94 abagabiza interahamwe ubwo yicaga Habyarimana. None nyuma yo kwivugana Habyarimana arashaka gukurikirana n’uwo yita mubyara we? Nawe akamupfakaza nkuko yabikoreye Agata Kanziga?  Ese kuba kikwete yarashatse mubyara wa habyarimana nibyo bituma kagame avuga ko azamwica? “I WILL WAIT FOR YOU AT THE RIGHT PLACE AND I WILL HIT U”

  

Uretse kwigiza nkana n’uburenganzira busesuye bwa perezida Kikwete gushaka umugore yihitiyemo yaba umuzungu cg umuzayirwa ibyo niwe bireba.  Ninde wahaye kagame uburenganzira bwo guhitiramo umugore Kikwete? Wese mbere yo kurongora Jeannete yaba yaragishije inama Kikwete? Ibi n’ukwivanga mu buzima bwite bw’umuntu no gushaka kurangaza abanyarwanda. Kuko iki sicyo kibazo abanyarwanda bafite. Kagame  nareke guhunga ibibazo nyabyo igihugu gifite? nasubize ibibazo by’ingutu byugarije abanyarwanda. Nafungure imiryango ya demokarasi, n’ahe abana bourse birukanywe mu mashuri? Kagame  nafashe abaturage be barenga 65% batabasha kurya kabiri kumunsi? Kuberako umutungo w’igihugu yawikwubiye n’agatsiko ke karimo n’abahutu bashinjywa ubwicanyi nka Rwarakabije na Rucagu.

Niba kagame afata umuhutu pierre Damien akamugira minisitiri w’intebe n’uko ntabatutsi bahari banganya mashuri? Igihe cyose Kagame amaze ajya mu mmana y’umuryango w’afrika y’uburasirazuba (EAC) na kikwete nibwo akimenya amakuru y’umugore we? bibaye ikibazo kuberako kikwete amubwiye ngo yumvikane n’abamurwanya? Ese kagame araniga abanyarwanda kuberako umugore wa kikwete ari umuhutukazi? Ese ejo baramutse batandukanye yaha abanyarwanda demokarasi? Ariko  se abahutukazi babi kuri kagame n’abahe? Cyanzayire Aloyiza umuvunyi mukuru  s’umuhutukazi? Minisitiri we wirirwa yiruka ku mpunzi , Mukantabana Seraphine s’umuhutukazi?  Kuki adasaba abagabo babo gutandukana nabo? Niba news of Rwanda yibwiraga ko haramakuru iduhaye, ntagishya itangaje. Ahubwo abanyarwanda twakwishimirako umugore wa kikwete ari umunyarwanda kuko byaba ari Influence of our culture.

UKO TUBIBONA

Ninde wabwiye kagame  n’intore ze ko ba byara ba Habyarimana batagomba kurongorwa?  Nkuko yashyizeho itegeko ngo rihana “ingengasi” nyamara arukugirango ribuze abanyarwanda gutekereza, noneho leta y’u Rwanda nisohore itegeko rivuga ko abahutukazi batemerewe kurongorwa? Iyi myitwarire ya kagame n’abambari be iteye inkeke, kandi itangiye kutugiraho ingaruka zitari nkeya. Uretse abanyarwanda babiri baguye mu Kagera bashushubikanywa n’aba tzd , hari n’undi wimanitse mukagozi ku Gisagara yanga gusubizwa mu nkambi I Kirehe. Ngo aho inzovu zirwaniye ibyatsi nibyo bihababarira.  Ingaruka z’ubushotoranyi bwa kagame wazibaza impunzi zirara rwa ntambi I Kirehe nyamara zari zimaze imyaka zimerewe neza tanzaniya. KAGAME Yabanje kuvuga ko kikwete yabyaye fdrl muri batisimu, avuga ko azamutimbura, ntiyagarukiyaho kuko yatangiye kwinjira mungabo ze kuko Nta minsi myinshi ishize  umusirikare wo ku rwego rwa LT COL atorokeye mu Rwanda. none dore we n’abambari be bageze mu rugo rwe batangiye kwibasira umugore we ndetse no kuvuga ko kikwete ari umurundi . kera ku ishuri hari umunyeshuri wajyaga akunda kunegura abandi cyane no kubasesereza, maze umunsi umwe umunyeshuri ajya kumurega ku mubikira wayoboraga iryo shuri. Umubikira mu kinyarwanda kiza yaje guhagurutsa wa mwana  Wirataga ku bandi,  maze aragira ati “ ariko rukundo we buriya ntanenge agira? umubikira yabikoze yica amaso ashaka kuningura uwo musore w’umwibone ko nawe yarebaga imirari” umwe mu banyarwanda twaganiye nawe kuriki kibazo yagize ati “ ari ugushaka umuhutukazi wiyubaha no gushaka umututsi kazi wiyandaritse  mu tubari twa za Nairobi akahakura inda y’indaro  uwahisemo neza nuwuhe”? Mu byukuri Kagame amaze kurenga umurongo utukura.  Amaherezo y’aka gasomborotso akaba ashobora kutazagwa amahoro abanyarwanda. KAGAME iyo akoranye n’abahutu nka rucagu aho ntakibazo? ariko hagira undi ukorana nabo ikibazo kikavuka? Kagame yibwirako ariwe munyarwanda uzubwenge kurusha abandi? Dore senateri kantarama penolope wamugiriye inama ko yagabanya ubushotoranyikuri Tanzaniya bahise bamweguza nta nteguza? Kagame agikandagira mu Rwanda muri 1990 yishe  NDADAYE  mu Burundi imivu y’amaraso iratemba, bidateye kabiri yica Habyarimana na Ntaryamira miliyoni y’abatutsi irarimbuka, agifata ubutegetsi  yadukiriye zaire amenesha mobutu kumugaragaro impunzi z’abahutu arazitsemba. Kubera gukunda kumena amaraso  kwe ntiyajuyaje yivugana Kabira, muriyo nkundura ya Congo haguye abana batagira ingano za kitona , yumva ntashizwe, atandukira  Kaguta, avugako azamutwikira nyakatsi?  aho abanyarwanda bahaguye ntibagira umubare (Kisangani)  none yadukiriye Kikwete, abanyarwanda batangiye ku hagwa?  Nukubitega amaso burya ngo akamasa kazaca inka kazivukamo.

NKUNZURWANDA MIHIGO ALEXIS

RADIYO ITAHUKA-PRETORIA AFRIKA Y’EPFO.

BREAKING NEWS: ABAPOLISI ICYENDA BAMAZE GUHUNGA URWANDA

Dan Munyuza ati: uzatoroka azicwa.

Amakuru yizewe aturuka ikigali mu Rwanda ndetse na kampala n’uko abapolisi icyenda bamaze guhungira mugihugu cya Uganda nyuma yo kwanga koherezwa kugahato muri M23.

Intandaro y’ikibazo.
Ku wa gatatu nibwo abapolisi bagera kuri mirongo itanu bahurijwe hamwe n’abasirikare  bose hamwe bagera kuri Magana arindwi  (700) bateranirijwe muri camps GP basabwa kwitegura kujya gufasha m23. Nyuma yo guhabwa amabwiriza na Dan Munyuza no kubatera ubwoba ko uzagerageza gutoroka azicwa, abagera kwicyenda bahisemo gutoroka banyura kumupaka wa cyanika. Bahageze bemeranije ko buri wese anyura inzira ye bagahurira kampala. Mu bapolisi bahunze tumaze kumenya amazina yabo ariko ntituyatangaza kubera impamvu z’umutekano wabo. Gusa abenshi n’ababaga mu mutwe wa interforce  bafite imyitozo yo ku rwego rw’abakomando abenshi bari bashinzwe kurinda umugi wa kigali. Abandi babaga mucyo bita commission for operation and public orders. Umukuru mubahunze akaba afite ipeti rya staff sergent.

Abo basirikare bavanze n’abapolisi bagera kuri maganarindwi bakaba bogombaga kurara bambutse uyu munsi ku wagatanu.

Andi makuru yizewe n’uko abana 2500 bari hasi y’imyaka 18 bari nasho na gabiro bashoje imyitozo muruku kwa munani bari kwitegura koherezwa muri kongo.   Abo bana n’abatoraguwe mumashuri hirya no hino batararangiza ikiciro rusange ( tronc commun). Uko bigaragara abanyarwanda barambiwe koherezwa muntambara zidafite icyo zibungura n’abajyayo nukubura uko babigenza.Iyi nkuru turacyayikurikirana neza.

NKUNZURWANDA MIHIGO ALEXIS

RADIYO ITAHUKA  PRETORIA - AFRIKA Y’EPFO.

AMABANGA Y’IKUZIMU: LETA YA KAGAME MU GUTWIKIRA ABATURAGE MUNZU.

Amakuru dukesha bamwe mu baba mu mutwe urinda perezida Kagame (Republican Guard), ariko tukaba tudashobora gutangaza amazina yabo kubera impamvu  z’umutekano wabo, aragaragaza uburyo leta ya Kagame itahwemye kwica abaturage mu ma kinamico, yarangiza ikabyitirira abanzi b’igihugu. Muri iyi nkuru turibanda ku rugero rw’ukuntu muri 2003  leta ya kagame yatwikiye abaturage mu nzu ahitwa I Gikondo.

Uko byagenze.

Muri uyu mwaka  2003, Kuri radiyo Rwanda, hari hamaze iminsi hatangazwa inkuru ivuga ko hari abagizi ba nabi birirwa batera amabuye ku nzu yari iherereye ahitwa  Gikondo haruguru  y’ahitwa SODOMA werekeza mu Gashyekero. Uwitwa Cpt silas Udahemuka wari ushinzwe iperereza mu mutwe ushinzwe kurinda perezida (GP) yohereje abasirikare  batanu abahaye inshingano zo gufata abo bantu batera amabuye kuriyo nzu.  Tutari butangaze amazina yabo kubera impamvu z’umutekano wabo. Uwari ukuriye abo basirikare yahagurutse camps GP ari mu kamodoka ka Suzuki. Ahageze, nko muma saa  tatu yabagabanyijemo amatsinda abiri: babiri abashyira munsi y’urugo abandi abashyira imbere y’inzu. Uwo musirikare wari uyoboye ayo matsinda yombi yayahaye amabwiriza  yo gufunga imihanda ku buryo  nta muntu n’umwe  wagombaga kuhanyura. We ubwe yiyemeje kwinjira mu nzu akajya kubaza abayibamo uburyo baterwa amabuye.

Uburyo yinjiye munzu akagwa mu kantu?

Uwo musirikare akinjira mu nzu yasanzemo abasore bagera kuri bane. Bamubwira ko aribo bahatuye. Nk’umusirikare ngo akibitegereza yumvise atabashira amacyenga, atangira kubabaza uko bigenda, amasaha bateraho amabuye ariko uburyo bamusubizaga ngo yabonaga mu by’ukuri atari bo basanzwe baba muriyo nzu. Uwo musirikare amaze kujagajaga iyo nzu uretse abo basore bane ntawundi muntu n’umwe yabonyemo. Arangije kuyisaka yarasohotse ajya kureba abo yasize ku burinzi hepfo y’urugo. Akihagera ngo yahasanze imirambo y’abasore ibiri. Byaramubabaje ababaza uwabahaye uburenganzira bwo kwica abo bantu, bamubwirako ari order bahawe. Icyamutangaje n’uko nta sasu ryavuze kandi iyo mirambo nta numwe wagaragaraho amaraso . bigaragarako arabantu bari bamaze igihe bishswe ahubwo barimo batunda imirambo yabo bayizana muriyo nzu, noneho abo basirikare bakiyemerera ko aribo babishe kugirango bamujijishe. Byaramutangaje abaza uwabahaye iyo order mu gihe ariwe wagombaga kuyibaha? Banze ku muvuga ngo ariko we yahise acyeka ko silas Udahemuka ariwe uri kumuca inyuma akavugana nabo.

Mu gihe yarakivugana nabo, yahise ahamagarwa ku cyombo na capt Hodari  wari ushinzwe za operation zo hanze mutwe w’ aba GP, yamusabye kuva aho hantu vuba na bwangu. Uwo mu sergent agitirimuka  inzu yahise itangira ku gurumana. Bu cyeye bwaho nibwo radiyo Rwanda yatangaje ko  mur’iyo nzu yatwitswe n’abagizi ba nabi, bari bamaze iminsi bayiteraho amabuye ngo haguyemo abantu bagera kuri bane. Icyaje kumenyekana n’uko babasore yasanze mu nzu babeshya ko ari bo bayibagamo bari abasirikare ba DMI, bari bahaje bashaka kuyiciramo abantu. Iyo nzu  igomba kuba yarimaze igihe itabamo abantu, ahubwo DMI  iteganya kuyiciramo abantu nuko itangira gukora amayeri yo guha  amakuru radiyo Rwanda ko iyo nzu iterwaho amabuye n’abagizi ba nabi kugirango ejo ninatwikwa ntibizatungurane (preration psychologique).  Nubwo radiyo yatangaje ko haguyemo abantu bane umwe mubashinzwe kurinda kagame wahigereye nyuma yo gutwikwa yemeza ko harimo imirambo igera kuri makumyabiri. Iyo  mirambo yatangajwe n’amaradiyo ndetse n’inzego z’umutekano ikaba ar’iyi nzirakarengane ziciwe ahandi hantu hatazwi ahubwo ikazanywa muriyo nzu na ba maneko, nyuma yo kubica iyo nzu bagahita bayishumika. Mu rwego rwo gusibanganya ibimenyetso nk’uko inkotanyi zisanzwe zibikora, uwo mu sergent waruyoboye abo basirikare bajyanywe kuriyo nzu,  capt silas udahemuka nyuma yo ku mwiyenzaho akamufungira muri camps GP agashaka ku mwicisha uburozi akaburirwa n’umwe mubo bari bahaye iyo misiyo yo kumunangura, SILAS  yaje gutegeka ko bajya ku mwicira I Kami. Nyamara ku bw’amahirwe akigera ikami ngo akaba yarabashije gutorokeshwa n’umwe mu nshuti ze agahita ahungira mu gihugu cya Uganda. 

 

Uko tubibona

Ntagushidikanya ko abo bantu  bazize abagizi ba nabi nk’uko radiyo  na leta ya kagame babitangaje. Gusa abo bagizi ba nabi ni abasirikare ba leta ya Paul Kagame. Uhereye kuri yi kinamico  tumaze kuvuga, uhita ubona ko ibivugwa na bamwe ko grenade zirirwa ziturika mu mugi wa Kigali  mu masoko na za gare, zigahitana inzirakarengane nazo ziterwa n’abagizi ba nabi bakorerera leta y’igitugu. Ushyirwa mu majwi mu gutera izi grenade ni SILAS UDAHEMUKA   ari nawe twavuze ruguru wagize uruhare   muri buriya bwicanyi twavuze haruguru bikitirirwa abagizi ba nabi cg abanzi b’igihugu. Niba waba ufite umuntu wawe wabuiwe irengero muribyo bihe ashobora kuba ari murabo. Niba kandi waracyekaga ko yishwe n’abandi bagizi banabi sibyo ni leta yawe yaguhekuye. Tukaba tuboneyeho akanya ko kwihanganisha imiryango yaba bavandimwe batwikiwe mur’iyi nzu  no kubifuriza kugira iruhuko ridashira.

NKUNZURWANDA MIHIGO ALEXIS

RADIYO ITAHUKA PRETORIA AFRIKA Y’EPFO

A RWANDESE EX-BODYGUARD TO PAUL KAGAME KIDNAPPED IN UGANDA AND THE AUTHORITIES KEEPS BLIND EYE.

Pte Innocent Kalisa who served as a bodyguard to president Kagame had fled Rwanda to Uganda for security reasons back in 2010; he experienced a number of threats from the Rwandan security agents who operates in Uganda throughout. John Ngarambe a diplomat in the Rwandan embassy in Uganda together with Lt Col Burabyo kept on calling Kalisa warning him that he needed to return to Rwanda immediately or face kidnap. 

This was following the shooting of Charles Ingabire who was a refugee and also an editor to inyenyeri online news, on Ingabire’s burial Kalisa was interviewed by the BBC Kinyarwanda radio and explained the cloud of anxiousness covering the Rwandan community in Uganda. Kalisa went missing since the 12.august.2013.

Kalisa innocent served in the republican guard forces as a body guard to President Kagame, He was jailed after he was suspected to corroborate with the jailed Rwandan opposition leader VictoireUmuhoza Ingabire of FDU as well as what they called the gang of four, Lt Gen Kayumba, Col Karegeya, Maj Rudasingwa and Gerald Gahima. On the 12.08.2013 Kalisa was walking on the streets of Kampala when unidentified cars surrounded him, People posing as policemen kidnapped him and drove away, according to a source. Investigations are on-going to verify exactly what happened to Kalisa.

Apart from Innocent Kalisa’s disappearance and Charles Ingabire’s killing, Lt Joel Mutabazi was also attacked and shot at however with God’s grace he survived and went unhurt. It is reported that kidnapping ex-service men and politicians have became normal in Uganda, the Ugandan authorities seems not to care much about these crimes on their land, UNHCR is stuck in bureaucracy, the main worrying thing is that the human rights watch and Amnesty international are aware of all these crimes and have done little to help those still hiding in Ugandan slams.

Family and friends are asking anyone who may have news about his whereabouts to contact them, human rights watch, and amnesty international as soon as possible.

Source  inyenyerinews.org

IBYAHA NDENGAKAMERE BYA KAGAME BIMEZE NKIBY’UMWAMI HERODE (IGICE CYA KABIRI)

Nkuko twabibasezeranije mu nkuru iheruka , twagirango tubabwire uburyo perezida kagame yanga abahutu urunuka akaba ariyo mpamvu  1994, yashyizeho batayo “SIMBA MOBILE “ yarigamije kubahumbahumba. Muri yi nkuru turifashisha  igitabo RWANDA L’ Histoire Secrète cya nyakwigendera LT Ruzibiza Abdul.

Gen Patrick Nyamvumba ni muntu ki?

Gen Patrick Nyamvumba wigiye mu ishuri rya Nigeria defense academy, yakoze akazi gatandukanye mu ngabo z’u Rwanda. Twavuga nko kuba yarabaye perezida w’urukiko rukuru rwa gisirikare, umuyobozi w’ishuri rikuru rya gisirikari,  by’umwihariko kuva mu kwezi  kwa kenda 2009 akaba yaratorewe kuyobora UNAMID (African Union-United Nations Mission  in Darfur).

UKO KAGAME YASHINZE SIMBA MOBILE UNIT

Si ubwa mbere Nyamvumba na Munyuza, Kagame abashinga akazi mu gihe kimwe. Nyamvumba abaturage ba Byumba ntibashobora kuzapfa bamwibagiwe kubera uburyo yaharimbaguye abahutu batagira ingano. Mu gihe genocide y’abatutsi yari irimbanije hirya no hino mu gihugu mu 1994, Paul Kagame yashyizeho batayo idasanzwe ( simba mobile unit)  ayiha misiyo yo gutsemba abahutu mucyahoze ari perefegitura ya Byumba n’igice kimwe cya Kibungo. Iyi batayo yarigizwe na za campani esheshatu, ikaba  yari iyobowe na LT COL Patrick Nyamvumba afatanije na capt Jhon Zigira, capt Dan Munyuza na Lt Silas Udahemuka. Abacikaga ku icumu bakaba baragombaga gusongwa n’abarindaga Kagame bari bayobowe na Lt Matungo Charles. Uburyo bwakoreshwaga mu kwica abaturage bukaba kwari ukubahamara munama bakabagota bakabatsindaho. Iki gitekerezo ngo kikaba cyari cyarahimbwe na Capt Jhon Zigira. Nyuma yo kwica izi nzirakarengane bakaba baragombaga guhita babaroha mu byobo cg bakabatwika kugirango basibanganye ibimenyetso.

Dan MUNYUZA Afite amateka ki?

Uyu mugabo n’urugero rwiza rw’umuntu wamennye amaraso menshi y’abanyarwanda ariko cyane cyane ay’abahutu. Mu 1994 genocide itangiye, ahitwa mukarange, Meshero, kisaro, no ku ishuri ribanza rya kibari Capt Dan Munyuza we  nabagenzi be bahatsinze abahutu barenga ibihumbi 5000. Amakuru y’izewe yemeza ko  mu mpera z’ukwezi kwa kane 1994, igihe batayo ya 21 th  mobile unit yari iyobowe na Lt Col Maritin Nzaramba, yavaga Byumba yerekeza Kigali, Munyuza icyo gihe wari captaine arikumwe na sergent IdahemukaTharcisse n’abandi bagendaga inyuma bahumbahumba umuhutu wese wabaga yasigaye mu nzira. Ingabo za Munyuza zikaba zararimbaguye abahutu mucyahoze ari komini Giti. amakuru yizewe n’uko muri giti yahatsinze abarenga 220. Ibi byose akaba yarabikoraga ku mabwiriza ya Paul Kagame, dore ko kagame ubwe atamutereranye kuko nka taliki 23 mata 1994 Paul kagame ubwe yohereje kuri stade ya Byumba bamwe mubasirikare bamurindaga bari bayobowe na Lt Tom BYABAGAMBA  hamwe na Lt Emanuel Ntingingwa biraye mubaturage bari bahahungiye mukanya nkako guhumbya abarenga ibihumbi bibiri (2000) bari bamaze kubararika. Twigarukiye kubya Dan Munyuza, ntiyagarukiyaho kuko ashinjwa  uruhare rukomeye mu kwica impunzi z’abahutu mu ntambara ya kongo. Andi makuru yizewe n’uko Munyuza ariwe wishe Rutayisire Jhon Bosco amuziza gusa ngo haribyo yaba apfana na Col Patrick Karegeya. Mu mwaka wa 2010 Munyuza na Jack Nziza bakaba aribo kagame yari yahaye misiyo yo kwicira  gen Kayumba Nyamwasa  muri afrika y’epfo, Imana igakinga akaboko. Dan Munyuza  wayoboye urwego rw’iperereza ryo hanze, yabaye  indahiro mu banyarwanda kubera uburozi buzwi kw’izina  “utuzi twa Munyuza”  akoresha mu kwica inzirakarengane. Ubu burozi uwo babuhaye akaba adahita apfa ako kanya ahubwo bugenda bucagagura inyama zo munda gacye gacye akazapfa hashize igihe kandi abaganga ntibapfa kubona ikishe uwaburiye.  Uyu mugabo inshuro kagame yamufunze ntiwazibara, iheruka akaba ari mu kwa mbere 2012 ubwo yafungwaga mw’ ikinamico ya kagame amurega we na gen RUTATINA,Gen Fred Ibingira na Gen Gumusiriza bakoranaga ubucuruzi butewe muri kongo. Gusa nyuma gato baje kurekurwa nta rubanza rubaye.  Kuba kagame amugorereye uriya mwanya n’amakuba ku banyarwanda kuko agiye gukomeza kujya arigisa abantu, abica urubozo nkuko yabigize umwuga igihe kinini yabaye muri DMI. N’ikimenyimenyi we na silas udahemuka  batangiye gushyirwa mu majwi ko aribo bateye  za grenade  abaturage ahitwa marato  I Nyabugogo.

UKO TUBIBONA

Kagame ageze muri byabihe bita iby’” umwana arira nyina ntiyumve” akaba ariyo  mpamvu ari kwiyambaza abicanyi ruharwa nkawe munzego zo hejuru z’igisirikare kugirango bazamurwaneho inkundura kuko ntayandi mahitamo bose bafite kubera gutinya impinduka zazatuma bisanga imbere y’ubutabera. Yaba JACK NZIZA, DAN MUNYUZA na Patrick NYAMVUMBA  cyo kimwe na shebuja Paul Kagame bose ibiganza byabo birajejeta amaraso y’inzirakarengane z’abahutu n’abatutsi. Nyamvumba ahawe aka kazi mu bihe bitoroshye kagame ashyamiranye na Tanzaniya.  Yamaze  gutangaza ko nasunutsa amazuru izamukubita nk’umubyeyi uhana umwana.naho perezida Kikwete akaba yaratangaje ko Kagame niyibeshya bazamugira nka Id AMIN. Nyamvumba wa rwanye n’ingabo za Uganda I Kisangani kuva taliki 5-10 kamena 2000 ndetse akazicamo benshi , Kagame akaba amwizeye ko yaza mukubitira na Tanzaniya Nk’uko yabigenge ingabo za UPDF zari ziyobowe na Gen James Kazini.

NKUNZURWANDA Mihigo Alexis

RADIYO ITAHUKA PRETORIA-AFRIKA Y’EPFO

IBYAHA NDENGAKAMERE BYA KAGAME BIMEZE NKIBY’UMWAMI HERODE (IGICE CYA MBERE)



Abasivile bazize inkota ya kagame. Padiri Murenzi bamutesheje imbabare yafashaga.

Mu nkuru iheruka twababwiye ukuntu taliki 21/07/2013, itsinda ry’abakirisutu gatolika rigizwe n’abacyecuru, abagore n’ababakobwa b’inkumi,  bose hamwe bagera ku icumi,hamwe n’umugabo umwe ,bagiye kwigaragambya imbere y’urugo rwa perezida Kagame. Abo bakirisitu bitwa “Intwarane” ngo bari  bamushyiriye ubutumwa bahawe n’umubyeyi bikiramariya  bumusaba kwisubiraho kuko Imana imufutiye umujinya kubera ibyaha ndengakamere bikomeje gukorwa  n’agatsiko ke. Kagame utagira icyo yubaha  aho kubakira ngo yumve ubutumwa bamushyiriye, yahisemo ku bashumuriza ba bahungu ba komiseri Rurayi  babaroha mu bihome. Bukeye bwaho, padiri Eugene Murenzi wari watangaje ko imyemerere yabo bakiristu ifite ishingiro, ndetse akemerako nawe ari intwarane,  polisi ntiyajuyaje kumuta muriyombi. Kubusanzwe, uyu padiri murenzi akaba azwiho kuba umuntu wita kumbabare kuko yarasanzwe ashinzwe kuyobora ikigo cyitwa  “komera” cyita kubana bafite ubumuga bwo kutumva no kutavuga  giherereye mu murenge wa Mushubati  mu karere ka RUTSIRO. None  nawe kagame amugize imbohe. Mu by’ukuri iyo abantu bavugako ko Kagame ari inkozi y’ibibi kandi yarenze ihaniro, wenda hari abagirango turakabya. Kagame kwica arica atitaye ngo uri umututsi cg umuhutu, umwana cg umukecuru,  kuroga araroga (COL NGOGA, COL NDUGUTE n’abandi), kwiba ni ruharwa (indege, amazu mu bwongereza..), kubeshya wagirango n’umuhungu wa semuhanuka, ubwibone aburengeje HERODE na PHARAON, mbega n’ishyano rikomeye kandi n’umuvumo ku Rwanda kubona ruyoborwa n’umuntu w’uzuye ubugome n’urugomo nka Paul Kagame.  Mu ri iki gice cya mbere  twifashishije cyane cyane igitabo “ Rwanda , l’HISTOIRE SECRETE cya nyakwigendera LT Abdul Ruzibiza, (yaramwirengeje mu buryo bw’amayobera) turibukiranya bimwe mubiranga urwago ndengakamere kagame afitiye abahutu ndetse na bumwe mu bwicanyi PAUL Kagame yakoreye abahutu kuva taliki 1/10/1990.

KURI KAGAME ABAHUTU S’ABANTU?

Taliki 12/05/1994 ubwo Paul kagame yaravuye I Byumba kubonana na JOSE AYALA LASSO wari haut commissaire Des Nations Unies aux Droits de l’homme. Aho kuboneza mubirindiro bye, Kagame yerekeje ahitwa “Muhura.” Ahageze,  yategetse uwari ukuriye abasirikare bamurindaga  Lt Tom Byabagamba gukusanya impunzi z’abahutu zari zahungiyaho. Icyo gihe, Kagame wari uherekejwe n’abasirikare barenga mirongo itanu bari mu  ma jeep 3 n’itoyota ya kane, bahise bagota izo mpunzi. Mukanya gato, Kagame yahise abasaba kurasa urufaya izo mpunzi zose ntihagire n’uzabara inkuru usigara. Abaraho bibajije niba ari madayimoni bwoko ki afashe Kagame ubwo yuriraga imwe mu ma jeep yamuherekezaga yariho imbunda yo mu bwoko bwa Machine gun 12.7 maze we ubwe n’amaboko ye,  atangira kurasa urufaya murizo mpunzi. Ntibyagarukiyeho kuko yategetse abasirikare gukoresha n’ibibunda  bya RPG byagenewe kurasa za burende maze bakarasa murizo nzirakarengane,  kuburyo abacivile barenga 700 barimo abagore n’abana bahasize ubuzima mu kanya nkako guhumbya.

Namwe ni munyumvire  ukuntu kagame yuzuye” ubukana bukabije” n’ ubugome ndengakamere  kubona umuntu wo kurwego rwa kagame yiyemeza kuba “mukuru mubi”. Akarasa inzirakarengane aziziza gusa uko zavutse? Nibura muraba yarashe iyo baza kuba interahamwe byari kwihanganirwa ariko gufata abagore n’abana ukarasa? Yarangiza we naba rucagu bakitakuma  ngo arashaka kunga abanyarwanda? 

MUCYAHOZE ARI KIGALI NGARI KAGAME YAHAKOZE AMAHANO

Mu mugambi we wo gukomeza gutsemba abahutu, mu ntangiriro z’ukwezi kwa gatanu 1994,Generale Major  Paul Kagame yohereje  mucyahoze ari komini “BICUMBI “itsinda rya bamwe mubasirikare bamurindaga bari bayobowe na Lt Charles Matungo hamwe na Lt Johnson Mugisha bahimbaga pepe kale. Abo basirikare Kagame akaba yarabasabye gutsemba ikitwa umuhutu wese kuburyo inzirakarengane zirenga  2500 zishwe urubozo nizo ntumwa za Paul Kagame. Ubwo abo basirikare ba kabuhariwe mu buhotozi bageraga ahitwa za” kabuga na  Gikoro”  hari ibirombe byacukurwagamo amabuye y’agaciro, Paul Kagame yasabye  LT Charles Matungo gukusanya abaturage basanze hafi aho  bababeshya ngo baje mu nama, maze ategeka ko bose  “babatwikira  muribyo birombe ari bazima”. Aho Gikoro amagana y’inzirakarengane akaba yarazize ubunyamusozi (barbarie)  bwa Kagame. Gutwika abantu ari bazima icyaha baba bakoze cyose, ng’iki kimwe mu bituma Umubyeyi bikiramariya na Yezu bagiye kumanurira umujinya wabo kubutegetsi bwa Paul Kagame.

NA BAMWE MUBARI BASHINZWE KURINDA KAGAME YAKEKAGA KUGIRANA ISANO N’ABAHUTU  YABARIMBUYE ATANZITSE

Uwitwa Lt  Fred Gatumbura umututsi  wabaye umuchoferi wa Kagame igihe kirekire, yategetse ko bamuroga bamuziza gusa ko yaragiye kurongora umukobwa w’umuhutukazi. Bamaze kumwirenza babeshye ko yazize agakoko ka Sida. Undi musore w’umuhutu  Lt Rwagasana wabaye “umusemuzi “ ( traducteur –interprete) wa Paul Kagame igihe kirekire, Kagame yaje gutegeka ko bamwimurira muri batayo ya 101. Nyuma gato, yaje kuraswa na capt Jimmy Muyango  wabaga muri iyo batayo.  Uyu nyakwigendera akaba yarasimbuwe kurako kazi k’ubusemuzi  na Lt Jean Bosco Kazura  ubu usigaye ari gen uyobora ingabo za UN muri Mali.

Kagame yakomeje Kwica  umusubizo abasirikare b’abahutu bari muri RPA.  Nyuma yo kubohoza capt Muvunanyambo wari ufungiye muri gereza ya ruhengeri, uyu mugabo igihe yari mu nkotanyi ntiyahwemye kugaragariza kagame ko atishimiye uburyo yicaga abacivile b’abahutu abaziza gusa uko bavutse. Ibi bikaba aribyo byatumye kagame ategeka ko uyu mugabo yicwa kugirango kagame yikomereze nta nkomyi uwo mugambi we mu bisha.

Mu kwezi  kwa cumi 1996, Col Lizinde Theoneste yiciwe Nairobi nawe ku mabwiriza ya kagame. Uyu akaba yaramuzizaga amabanga yarazi ku iraswa ry’indege ya Habyarimana Juvenale. Taliki 24/10/1997 capt Theoneste Hategekimana wayoboraga gendarumeri ya Gitarama nawe yiswe kumabwiriza ya Paul Kagame.    Mu 1997, major Lambert Rugambagye  yiciwe muri  gereza  ya Kibungo ku mabwiriza ya Kagame. Uyu mugabo wahoze muri FAR akaba yari yarinjijwe muri APR, ntakindi yazize  uretse ko yamaganaga ubwicanyi bwakomezaga gukorerwa abasicivile b’abahutu bukozwe n’ingabo za APR. Taliki 23/04/2003 ku mabwiriza ya Paul Kagame, Uwitwa Lt Col Cyiza Auguste wari umuhanga mu by’amategeko, yashimutiwe Kicukiro na Capt Jhon Karangwa wo muri DMI hamwe na maneko Murangira. Kuva icyo gihe umuryango wa Cyiza ntiwigeze ugira amahirwe yo  kubona umurambo we ng’uwushyingure mu cyubahiro.  Ntidushobora kurondora abasirikare bose  b’abahutu babaga muri APR  bishwe  urubozo na Kagame abaziza gusa uko bavutse.

IJURU RIGIYE GUTABARA ABANYARWANDA

Paul Kagame n’umwe mu bategetsi babayeho  ufite ubuhanga buhanitse mu” buhotozi “bw’abantu benshi kandi akaba “indashyikirwa” mu kwica urubozo.  Kubera ibyaha bya Kagame n’agatsiko ke, “ IMANA itabara” ikaba itagishoboye kubyihanganira, ikaba igiye kubamanuriraho umujinya wayo. Ijuru ryamaze guterana rikaba rigiye gutabara abanyarwanda rikadukiza akaboko k’urugomo ka Kagame, n’abambari be nka Dany Munyuza GEN FRED IBINGIRA na  gen Jack NZIZA. Imwe mu ndirimbo nkunda ya korari Hermon ADPR Rubona yitwa  “IJURU RIRATABARA”hari aho baririmba bati” ryatabaye Yesuwa n’abisraheri, ababisha babo babahagurikiye,   yamanuye urubura irarubahondaguza, itegeka izuba na ryo rirahagara kugeza ubwo ababisha babo bahashiriye ntihasigara n’umwe”. Ubwibone bwa kagame bumeze nk’ubwa Pharaon.  Kagame  wishingikiriza imbaraga z’ingabo za RDF, agahoza iteka intambara mu kanywa, nk’inzira yonyine kuriwe yo gukemura ibibazo,  akwiye kwibuka ko ” wiringira umuheto ukagutenguha”. Kandi ko ushoza intambara wiyita akagabo ukayisoza uboroga wifuza uwagutabara. Ibihe tugezemo biraca amarenga ko Kagame agiye gutsindwa ruhenu mu buryo we n’abambari be batatekerezaga. Tugarutse kuriyo ndirimbo  Bakomeza bagira bati “ ubwo Shadarake, Meshake, n’abedenego babarohaga mwitanura  bagezemo basangamo marayika  yabatanzemo kubabera umutabazi” mu by’ukuri  iyo urebye iby’iwacu, ukareba abantu bose barunze mu bihome by’u Rwanda benshi muribo bazira akamama, harimo na bariya bakozi b’Imana Kagame aherutse guta mu bihome abaziza ukwemera kwabo, ntagushidikanya ko igihe cyo gutabarwa kigeze. Nkuko ijuru  ryatabaye Dawidi arwana na Goliyati  ninako rigiye gutabara abanyarwanda biyemeje kurwanya akarengane ka Kagame.

Ubutaha tuzabagezaho uburyo Kagame Paul yashyizeho batayo yitwa SIMBA MOBILE  yayoborwaga na gen Patrick Nyamvumba aherutse kugororera kuba umugaba mukuru w’ingabo z’u Rwanda. Iyi batayo  nta kindi yarishinzwe uretse gutsembatsemba abahutu mucyahoze ari  perefegitura za  Byumba na Kibungo.

NKUNZURWANDA Mihigo Alexis

Radiyo Itahuka Afrika y’Epfo