KIRYABANDI KUKI ATABANZA NGO ASABE IMBABAZI MW' IZINA RY’ABEGA NA KANJOGERA?

Kagame azabanze asabire imbabazi Ibingira.  Kanjogera yasize umugani.

Aherutse kuntangaza cyane, wa mugabo uyobora kimwe mu bihugu  bya mbere bikennye ku isi, ariko akaba mu bategetsi ba mbere bakize ku isi, akaba kandi umuperezida wa mbere  ku isi uzi ibitutsi byinshi ; uwo nta wundi ni Paul Kagame ka Rutagambwa (alias Kiryabandi).

 Mu ijambo Kagame yabwiye urubyiruko taliki 30  kamena 2013, akaba yarihanukiriye kwa kundi asanzwe yigira nyoni nyishi, maze mu kwishariza kwishi asaba abahutu bose gusaba imbabazi ngo kubera ko genocide yakorewe abatutsi  94, yakozwe mu izina ryabo. Ibi bintu bikaba  ari akumiro kuko icyaha ari gatozi. Ikindi ntibyumvikana ukuntu umwana uvutse ejobundi yazira amafuti ya se cg se wabo? Birababaje kubona Kagame genocide yakozwe n’abahutu ayihinduye icyaha k’inkomoko. ibi byahise binyibutsa uburyo umwegakazi Kanjogera akaba nyirasenge wa Rutagambwa  uyu nawe akaba se wa  Paul Kagame yigeze  gushinga inkota mugatuza  akayishigisha umwana w’imyaka icumi kugeza amunanguye. Akaba yaramuzizaga ko  Bigirimana  yapfuye yari yarishe umwana  witwaga Murigo.  Uyu mwana Murigo , Kanjogera ngo akaba yaramukundaga bitavugwa. Uyu mwana akaba yarabaye igitambo nk’uko Kagame nawe ashaka kugira ibitambo abana b’abahutu. Ibi rero bituma wibaza  niba atari amateka ari kwisubiramo. Sinshaka kwibanda ku mateka n’ubugome bya Kanjogera na ba saza be  Kabare na Ruhinankiko n’ukuntu barimbaguye abanyiginya babarenganya.

 Nyamara iyo witegereje ubugome bwa kagame usanga abicanyi bose arabanyabwoba kubi!  Ndetse budafite aho butaniye n’ubwa Nyiramavugo Nyiramongi  na Nyirayuhi Kanjogera umwegakazi w’umubisha. Usanga   Kagame nawe ari umu nyabawoba nkabo kuko abo bombi banze “kunywa” kandi imihango y’abiru itaremeragako hari umwamikazi wabona ingoma y’umwuzukuru we.  Kanjogera we akaba kubera gutinya ko abakozi  bamutekeraga bamuroga ngw’anywe, ku gahato akaba yarabicaga buri gihe agahora abasimburanya nk’uko mubona Kagame ahora akindura abashinzwe ku murinda, cg abasiirikare bakuru, ngo aha hatazagira  umutinyuka  akavaho  amutamika umwambi w’igishirira.

Kagame rero mbere yo gutegeka abana b’abahutu gusaba imbabazi  kubera ubwicanyi bwakozwe n’abahutu banyina batarota no kubatwita, nawe yakabanje agasaba imbabazi “Abanyiginya” mw’izina ry’abega kubera amahano  bene wabo, kanjogera na basaza be Kabare na Ruhinankiko babakoreye.

  

Kagame niwe wambere ukwiye gusaba imbabazi.

Abasilikari bishe abihaye Imana, i Gakurazo. Congo yagaritse Ingogo. Abatutsi yabatanzeho ibitambo.

Kagame yagakwiye gusaba imbabazi abahutu kubera ubwicanyi ndengakamere ingabo ze Kagame abaye umugabo,  mu izina rye na Bill Clinton yakihutira gupfukama agasaba imbabazi abacitse ku icumu rya genocide by’umwihariko n’abatutsi muri rusange kubera ubugambanyi  babakoreye we na Bill Clinton bakabatangaho ibitambo kugirango bagere ku nyungu zabo za politike. 

Arangije gusaba imbabazi abatutsi, yasaba abahutu imbabazi, kubera ubwicanyi ingabo ze zabakoreye, guhera za byumba ubwo zazanaga mu Rwanda demokarasi nshya yo kwambura abanyarwanda ubumuntu zikabahindura ibintu ( chosifier) kuko zinjiranye politiki yo kuboha abantu zikabatunarika  zikabamena ibihorihori zikoresheje udufuni ( kufanyiya) abana b’abantu zikabagenera urukwiye ingurube. N’aho abahutu bamuhungiye akabakurikirana Kongo abatsinda yo.

 Mu izi rya Gen Fred Ibingira , Kagame akaba akwiye gusaba imbabazi abahutu  kubera ubwicanyi yakoreye impunzi  I Kibeho, akaba yanasaba imbabazi bikiramariya kubera amahano yakoze yo gutinyuka kwanduza Kibeho ahantu yajyaga abonekera abamwemera.

 Ibintu ntibikwiye kugarukiraho, kuko kagame yagakwiye kubanza gusaba imbabazi kiriziya gatorika kubera abihayimana bayo ingabo ze zatsinze igakurazo mu 1994. 

Arangije ibyo, kiryabandi yakwihutira kwegera umuryango wa Habyarimana agasaba umugorewe imbabazi ko yamupfakaje ndetse n’abana be yahinduye imfubyi. Arangije gusaba imbabazi ibice binyuranye by’abanyarwanda yakwihutira kurira indege akajya gupfukamira abarundi kubera abaperezida babo babiri yambuye ubuzima ( Ndadaye na Ntaryamira).

Abandi akwiye kubanza gusaba imbabazi ni abanye kongo kubera, ubwicanyi bwakorerewe imiryango yabo, ndetse n’ubu bukaba bugikomeza  bukozwe n’ingabo z’urwanda abereye umugaba w’ikirenga. Kubera ko Kagame  ariwe wahemutse kuruta abandi banyarwanda bose, ubwicanyi bwe bukaba bwararenze imipaka ( Uganda,kongo, Kenya, Afrika yepfo, Mozambike, ubufaransa, Espanye…) bityo nkaba  ntarondora abantu bose yasaba imbabazi, yasoza gusaba imbabazi kwe agira ati “n’abandi bantu bose nahemukiye nibagiwe ndapfukamye mbasabye imbabaze kandi n’Imana Imbabarire”. Bikaba byaba byiza abivuze no mu cyongereza nk’uko akunda kubikora iyo ishaka gutuka abazungu.

UKO TUBIBONA

Igihe cyose Kagame atari yasaba imbabazi abanyarwanda n’isi yose muri rusange kandi ngo yegure, akaba ntakindi akwiye gukora uretse gufunga umunywa akareka, iterabwoba, gushinyagurira abanyarwanda no kwigira umwarimu w’amateka yatobanze. Umubabaro wose abanyarwanda bafite, igisuzuguriro cyose u Rwanda rufite mu ruhando rw’amahanga akaba ntawundi wabiteye uretse kiryabandi mwene Rutagambwa.

 Muri macye Kagame abaye   aka wa mugani wa cya kirura kiyenzaga kukana k’intama kigasanze Ku iriba gishaka kukinopfora. Haraho cyageze ngo n’ejobundi warantutse? akana k’intama kati nkagutuka nte kandi nari ntaravuka? Ikindi kiti”niba atari wowe ni mukuru wawe?  Akana kati Kandi ntawe ngira? Kiba kiragasumiye kirakinopfora. Ku bigaragara Kagame nawe ari kwiyenza ku muhisi n’umugenzi. Ibi akaba ntakindi abikorera ari rya terabwoba akoresha iteka iyo afite ikibazo kimukomereye kugirango  akomeze afate abanyarwanda bugwate. Ikindi n’uko ijambo nkaririya kuribwira urubyiruko nk’imbaraga z’igihugu  n’uko azineza ko arirwo rushobora gukora impinduramatwara,  bityo akaba yaragirango arutere ubwoba. 

Akaba nta munyarwanda bikwiye gutungura, kuko genocide yayigize iturufu yo gucecekesha uwariwe wese ugerageje ku mubaza impamvu arenganya abanyarwanda. Ikindi nabwira abahutu n’uko uziko ibiganza bye byera adakwiye kurindagira nkaba Rucagu Bonifasi yigerekaho amaraso atamennye. Nkaba nsanga ikintu cyonyine kizakiza u Rwanda ari uko abicanyi bose bazabibazwa, baba interahamwe  zakoze genocide baba n’abicanyi babatutsi bakoze  ibyaha byo mu ntambara n’ibyaha byibasiye inyoko muntu ( crime de guerre et crime contre l’humanite). Kuko nta mwicanyi uba mwiza kuko afite izuru rirerire nk’irya kagame. 

ikindi kidakwiye gushidikanywaho n’uko Kagame adashobora kunga abanyarwanda kandi ariwe soko y’ibi byose u Rwanda rwahuye nabyo. Ikindi nabwira abanyarwanda n’uko igihe cyo gucungura igihugu cyacu kiri kuducika, bityo vuba na bwangu, tukaba dukwiye gushyira ku ruhande ibidutandukanya byose tugahagurukira rimwe nk’umuntu umwe tugahirika uriya mwicanyi wirirwa atwishongoraho, adukina ku mubyimba.

Ibi bikaba bisaba ko abayobozi b’amashyaka atavuga rumwe na Kagame bareka gushyira utunyungu twabo imbere, bagakorera hamwe, kuko oposition y’u Rwanda bimaze kugaragara ko idashyirahamwe, imeze nk’imwe yo muri Siriya bityo n’abanyamahanga kugirango bayigirire ikizere bikaba bigoranye. Ibi rero bikaba ntawundi byungura uretse Kagame n’agatsiko  ke. Nkaba ntasoza ntabwiye Kagame  wirirwa akubita agatoki ku kandi ngo azica abayobozi ba RNC yita ibigarasha,  ko kubaho kw’imishwi atari impuhwe z’agaca kandi ko” inkware y’inyabugingo itora mu itongo ry’uwayihigaga”.

NKUNZURWANDA Mihigo Alexis

Radiyo Itahuka, Afrika Y’Epfo

KIRYA ABANDI BAJYA KU KIRYA KIKISHARIRIZA

Iyi mvugo ngo “kirya abandi bajya ku kirya kikishaririza” bayikoresha bashaka kuvuga umuntu unenga abandi we batangira kuvuga ibye akirakaza akihindura ibamba.

Mu by’ukuri perezida Kagame, inshuro nyishi ntiyawemye kuvuga ko ikibazo cya kongo kigomba gukemuka binyuze munzira y’imishyikirano ( inzira ya politiki),  ko intambara idashobora kukirangiza bityo leta ya Kabira ikaba igomba kuganira na M23.

Nyamara ejobundi aha  ubwo perezida wa Tanzaniya yasabaga ko leta ya Paul Kagame igomba kugirana ibiganiro  na FDRL, perezida Kagame yariye karungu muri cya kinyabupfura cye gicye yagize umwuga, ntiyajuyaje  kwita perezida mugenzi we “umuginga” (injiji). Nuko ubwo aba yihesheje agaciro anagahesha abanyarwanda yitwako ahagarariye. Ibi icyo bivuze n’uko kuri Kagame, intambara nimbi iyo ikozwe n’abandi ( kabila),  iyo ariwe uyikoze ntakibazo rwose. Mbega Kagame niwe wenyine  ku isi ufite uburenganzira bwo gukemuza ibibazo imbunda.

Nyamara Kagame  niba ashaka kuba umwarimu mwiza, mbere yo kureba igitotsi kiri mu jisho rya mugenzi we (Kabila) yagakwiye kubanza kuvana umugogo uri mujisho rye. Ikindi n’uko  utirahuriye  ntarahurira abandi.  Umuhanga witwa  Albert Einstein yavuze amagambo y’ubwenge agira ati ”  Peace cannot be kept by force; it can only be achieved by understanding”.

Nta narimwe imbaraga zigeze zitanga amahoro arambye.

Amateka yahafi atwereka uburyo abashatse gukemuza ibibazo imbunda bafite n’ubushobozi buhagije, byagiye bibananira. Amerika n’ubwongereza byagabye igitero muri Irak ya Saddam Hussein bivuga ko bigiye gutangayo amahoro, Sadam yarishwe ariko Irak nanubu akaduruvayo kariyo inzirakarengane zihagwa buri munsi, byose n’ingaruka z’intambara. Nta nikizere ko kazashira vuba. Abagateje babonye bibakomeranye bikuriramo akabo karenge. N’Afganistan ntakinyuranyo nibyo tuvuze ruguru.
 

ESE N’IGITANGAZA KIKWETE NA TANZANIYA BABAYE ABARIMU B’ AMAHORO KU RWANDA NA KAGAME?

Mu gihe perezida  Paul Kagame yahisemo kubakira leta ye n’agatsiko ke ku kinyoma ashingiye ku mahame yawa munazi Adolf Hitler, uyu akaba yaravugaga ko ikinyoma iyo ugisubiyemo kenshi abantu bageraho bakagifata nk’ukuri. Nyamara iyi mitekereze y’ubuswa iranga abanyagitugu bose ntitinda kubahemuza. Mbega n’ikibazo k’igihe gusa ngo rubanda yose ibatahure.  

Mu gihe Kagame akomeje kwishongora ngo u Rwanda amahoro ni munange, nta nicyayahungabanya, ikigo gishinzwe kugenzura uko amahoro yubahirizwa ku isi, giherutse gusohora raporo igaragaza ireme ry’amahoro muri uyu mwaka wa 2013. Nkuko bigaragara mu bihugu 162 byasuzumwe, u Rwanda ruri ku mwanya wa 135 mu gihe Tanzaniya iri kumwanya wa 55. Bikaba rero nta gitangaje abayobozi ba Tanzaniya  bahaye Kagame na leta ye isomo ry’amahoro. Ntiyaba ari we wa mbere babikoreye, yewe nta n’ubwo byaba ari ubwambere Tanzaniya ifashije abanyarwanda gushaka amahoro. Nta wa kwibagirwa uruhare rwayo ubwo yatangaga ubutaka bwayo ngo habere imishyikirano hagati ya  FPR Inkotanyi na Leta ya Habyarimana.  Ndetse Kagame yagakwiye kuzirikana ko yicaye mu Rugwiro kuKo yivuganye Habyarimana avuye mu mishyikirano muri Tanzaniya.

  

Uretse u Rwanda mu bihe byashize Tanzaniya ikaba yarafashije abarundi ndetse na kongo mu gukemura ibibazo mu mahoro. Perezida Jakaya Kikwete ubwe, akaba yarabigizemo uruhare rukomeye kuko yari minisitiri w’ububanyi n’amahanga n’ubutwererane kuva 1995  kugera 2005.

Tugarutse kuri iyo raporo ibindi bihugu byo mu karere u Rwanda , biri ku myanya ikurikira: Uganda 106,   Kenya 136 naho u Burundi 144.

Birumvikana ko Kagame iriya raporo kuko itamushimagiza cyangwa abatekenisiye be bibagiwe kuyitekenika, azavuga ko ntacyo ivuze, ndetse ntibyanatungurana aramutse avuze ko abayikoze bafite “ ingengabitekerezo” nkuko asanzwe abigenza ku muntu wese ugerageje ku munenga. Ku ikubitiro, ikaba yamaze guterwa utwatsi na wa mu minisitiri we ( Musa Fazil) uzwiho kuba ariwe muyobozi usuburimo  kenshi rya sengesho “ nkuko perezida wa repubulika adahwema kubitubwira.”

UKO  TUBIBONA

Duhereye  mu muco nyarwanda, baragira bati” ikinyoma kikugaburira rimwe ntikikugaburira kabiri;”  naho umugabo w’intwari  Abraham Lincoln wabaye perezide wa 16 w’amerika  aragira ati” ushobora kubeshya abaturage bose mugihe gito, ushobora kubeshya abaturage bacyeya mu bihe byose, ariko ntushobora kubeshya abaturage bose mubihe byose” ( you can fool all the people some of the time, and some of the people all the time, but you cannot fool all the people all the time).

Kagame yakomeje kubeshya abanyarwanda n’amahanga ko u Rwanda rutekanye, nyamara abenshi ntibahwemye kugaragaza ko amahoro kagame arata, yubakiye ku musenyi kuko yubakiye ku iterabwoba no kuryanisha amoko y’abanyarwanda kugirango akomeze abafate bugwate.

Kubigaragara isi yose, abanyarwanda by’umwihariko, bamaze gutahura Kagame na leta ye, ko imvugo yabo atariyo ngiro. Kagame kugirango akomeze arambe ku ngoma, yemera byinshi agakora bicye. Yimakaje ihame rya Napoleon Bonaparte” if you wish to be a success in the world, promise everything, delivers nothing”

 

Ariko ibi bigira aho bigarukira. Mbaye umujyanama wa Kagame, nubwo ntawuhana uwahanutse, namubwira nti” reka izima ryawe”, uce bugufi, ukubite ibipfukamiro hasi; usabimbabazi abanyarwanda; ubundi wegure, nicyo cyonyine cyatuma bakubabarira. Atari ibyo, iminsi izaguteka mu rwabya; wambarire inconcera  aho wambariye inkanda. Ikibazo gikomeye, wa mugani wa ba bandi n’uko “kugira inama Kagame ari nko gukurura injangwe ku musambi”.

NKUNZURWANDA Mihigo Alexis

Radiyo Itahuka, Pretoria, Afrika y’epfo

NONE PRESIDENT PAUL KAGAME BYAMUBERA " MUTATIS MUTANDIS"?

Perezida Paul kagame  akunda kumvikana kenshi atanga amasomo ku mateka. Avuga kenshi ko  amateka akwiye kwigisha abantu.  Mu gifaransa baca umugani ngo “ Chaque institution aussi grande qu’elle soit telle contient dans ses seins les germes de sa destruction”  ugenekereje mu Kinyarwanda ninko kuvuga ngo kenshi ubutegetsi buhirikwa nabahoze ari ibikomerezwa mubushorishori bwabwo. Ukurikije iby’amateka atwereka usanga gushwanakwa Kagame nabo bakoranye ari  ugutema ishami ry’igiti yicayeho. Reka tureba ingero zifatika

CUBA

Fidele Castro na Fulgencio Batista

Umunyagitugu  generale Fulgencio Batista wayoboye Cuba kuva 1940-1959, yakoze ikosa rikomeye  tariki 15/5/1955 ubwo yafunguraga Fidel Castro yibwirako yamushegeshe atazasubira muri politiki. Nyamara,  Castro yahise aboneza iyubuhungiro muri mexique  ajya kwisuganya. Aho, niho  yaje kumenyana na Ernesto Che Guevara bagatangira urugamba rwo  kubohoza Cuba babinyujije mu mutwe wakinyeshyamba witwaga “MR-26-7“. Ntibyateye kabiri kuko Castro n’abarwanyi magana atatu gusa (300) batesheje umutwe ingabo zirenga ibihumbi icumi (10.000) Batista yari yohereje  ahitwa Sierra Maestra mucyo yise “operation verano.” icyo gihe Batista yatunguwe no kubona amabatayo y’ingabo ze  atangira kujya amanika amaboko akisangira Castro. Ubwo ninako kandi umunsi ku wundi abaturage bari barambiwe ingoma y’igitugu, batorokaga  basanganira Castro na Che Guevara kuko babafataga nk’abacunguzi babo.  Muri iki gihe, hari bamwe  mubanyarwanda babona ko mu gihe kagame yiyemeje gufunga imiryango yose  yo gutanga demokarasi mu mahoro,  nka generale  Kayumba  Nyamwasa aramutse atangiye urugamba, ntakabuza  byaba” mutatis mutandis” (byagenda nkuko  byagenze muri Cuba). Fidel Castro nubwo atabaye  mu butegetsi  bwa generale Fulgencio Batista,  yaramushyigikiye mugukora coup d’état muri werurwe 1952. Mu gukora iyi coup d’état,  Batista yari yasezeranije Castro n’abandi ko azashyiraho ubutegetsi bukorera rubanda. Nyamara, ntibyateye kabiri atangira gukora ikinyuranyo no kwibasira abamwicaje kuriyo ntebe. Mbega ni nka bimwe ba Kayumba barega Kagame . iyo ukurikiranye imvugo za kagame zuzuye kwihenura, gutukana no gusuzugura  bikabije abahoze ari ibikomerezwa kungoma ye,  wibaza niba hatari igihe amateka azamukoza isoni bikamugendekera nkuko byagendekeye Batista? Bibaye, wamugani wa ya ndirimbo, ntibyaba ari ubwambere mu Rwanda nkuko tugiye kubibona.

 RWANDA

Col Kanyarengwe Alex na Gen Juvenale Habyarimana

Mu 1973, ubwo Juvenale Habyarimana  yahirikaga Kayibanda, yasezeranije abanyarwanda ko azabakorera nta vangura na rimwe kandi yubahiriza uburenganzira bwaburi wese. Nyamara ntibyateye kabiri, atangira kwimakaza igitugu gishingiye Ku ishyaka rimwe rukumbi (MRND cg muvoma nkuko bayitaga),  bikaba byari itegeko kuyibamo , yewe n’umwana ucyiri munda akaba yaragombaga kwitegura kuvuka ayirimo. Habyara yakomeje kwikanyiza kugeza ubwo yiyamamazanya n’”IKIJUJU “  mu kimbo cy’undi mukandida . kubera kwikanga ko hari abatishimiye ibyo yakoraga bashoboraga kumuhirika yatangiye  kwibasira aba comrades. Ngicyo icyatumye  Colonel Kanyarengwe Alexis amutoroka nyuma akaza kujya mu nkotanyi aho yahuriye na Colonel Theoneste Lizinde nyuma y’uko zimutorocyesheje gereza ya Ruhengeri. Lizinde akaba yarahoze ayobora maneko za Kinani.  Habyara yakomeje gukerensa  aba bagabo, nyamara abahanga mu mateka y’inkotanyi bakubwirako aba bagabo uretse gutiza imbaraga RPF ari nabo baba baragiriye inama Kagame ko ba “ rudahusha” be, bashinga misile I Masaka  aho indege ya kinani yagombaga guturuka za KABUGA bayireba neza ubundi bakamuhindura ivu.  Bibaye ari impamo,  iri banga rikomeye LIZINDE  yarabitse akaba ariryo ryatumye arasirwa Nairobi kugirango atazavaho arimena cyane ko batari bagicana uwaka na Kagame.  Kanyarengwe na lizinde bari bazi neza kinani nkabamwibyariye. Imbaraga nkeya ningufu ze bari bazi aho bishingiye,  bityo no ku mu rwanya byari kuborohera kuruta undi wese. Uko aba bagabo bari bazi kinani, usanga bimeze neza ( mutatis mutandis) nkuko Kayumba, Karegeya na Rudasingwa bazi Kagame .  N’ ubwo nibwirako bo na RNC batifuza kwica Kagame nkuko we yarahiriye kuzabicisha inyundo, nta kabuza  babinyujije mu ihuriro nyarwanda,  bitari cyera rubanda irambiwe urugomo n’ubugome bya Kagame  izahaguruka ibashigikire bakore impinduramatwara.  Kagame niba atigiye kuri Habyarimana bivugwa ko ariwe wamwivuganye,  akwiye  nibura kwigira  kuri Samuel Doe.

LIBERIYA

Samuel Doe na Chalres Taylor

Ku itariki 12/4/1980  sergent Samuel Doe yakoze coup d’état  y’amaraso yahitanye perezida William R.Torbert  nabaminisitiri be barenga cumi na batatu, bakaba baranyonzwe ku karubanda. Samuel Doe, yatangiye kwigira akaraha kajyahe  no kwimakaza ingoma yigitugu, ibi bikaba bitashimishije  abo bakoranaga barimo Lt Prince Johnson, arinayo mpamvu yaje gutorakera muri Ivory Coast. Afatanyije na Charles Taylor baje gushinga ikiswe National Patriotic Front of Liberia  (NPFL). Mu 1989, bagabye igitero kuri Liberia, gusa nyuma gato urugamba rutangiye baje gushwana Prince Johnson ashinga umutwe we witwaga Independent National Patriotic Front of Liberia (INPFL). Mu kwa cyenda 1990, ingabo ze zafashe mpiri SAMUEL DOE zimwica urwagashinyaguro kuko bamwambitse ubusa buri buri imbere yabaturage, baramuboha amaguru n’amaboko bamukata ugutwi, bamuca ikiganza n’ubundi bugome ndengakamere. Yiba Kagame yigishwaga n,amateka, umutimama nama we wakamuburiye akarekereho ubugome n’izima rye kuko uko arushaho kugarika ingogo niko arushaho kwiha amahirwe yuko bizamubera “mutatis mutandis”  nkuko

byagendekeye SAMUEL DOE.

 LIBYA

Mouamar Khadafi na Mustapha Abdul Jalil

Colonel Mouamar Khadafi wayoboye Libya kuva 1969 -2010, uwabasha guhura nawe, yaba umuhamya w’ukuntu abari mu bushorishori bw’ubutegetsi bwe, baje kumuhinduka bakamurwanya kugeza bamuhiritse ndetse bakanamwivugana. Uhereye nko ku wari Perezida w’agateganyo wa CNT,  MUSTAPHA ABDUL JALIL, uyu niwe wari minisitiri w’ubutabera muri leta ya khadafi mbere ko amutoroka. Undi ,ni General Abdul Fatah Younis, wari minisitiri w’umutekano muri leta ya khadafi. Uyu akaba ariwe wayoboraga ishami rya gisirikare intambara igitangira uretseko bitamuhiriye kuko yaje kuraswa n’abantu batigeze bamenyekana. Undi mugabo ni NURI Mesmani wari umukuru wa Protocol ya khadafi. Uyu mugabo akaba ari we wenyine washoboraga kwinjira kwa Kadafi adakomanze. Mu kwacumi 2010, NURI yagiye mu Bufaransa avuga ko agiye kwibagisha.  Mu minsi yose yahamaze, nta muganga numwe bigeze babonana , ahubwo, I PARIS  Ku itariki 16/11/ 2010, yakoranye inama mw’ibanga na ba maneko b’u Bufaransa (DGES) muri hotel yitwa  Concorde Lafayette. Muri iyo nama, akaba yarabasezeranije ko bashobora kwifashisha  Colonel Abdallah Gehani wayoboraga ingabo Benghazi kugirango atoroke n’ingabo ze  akaba ariwe utangiza impinduramatwa muri Benghazi. Ibi  akaba ari nako byaje kugenda. Yaba Paul Kagame yigishwaga n’amateka, yagakwiriye guhera kuraya ya hafi, akibuka ko atarusha Kadafi ingabo zikomeye, intwaro zikomeye, ndetse ko n’amafaranga yiratana ntaho bari bahuriye. Abaye agira umutimanama , anibuka neza uko Khadafi y’itaga abamurwanyaga “IMBEBA”, yarekeraho gukomeza gukerensa no gutuka ba  General Kayumba ngo n,ibigarasha, umwanda n’ibindi bitutsi ntazi ishuri yabyigiyemo.

UMWANZURO

Nta gushidikanya ko iherezo ry’ingoma ya Paul Kagame riri hafi, kuko ubutegetsi  bwe bwamaze kubora, umunuko wabwo ukaba utacyemerera rubanda guhumeka, akaba ariyo mpamvu bari hafi ku bwirohaho bikaba” mutatis mutandis” nk’uko byagendekeye Khadafi, Habyarimana, Sameul Doe n’abandi ntarondoye.  Amahirwe yonyine kagame afite ,nuko abamurwanya badashaka kumwica nkuko abo bandi  bishwe. Umuhanga mu by’intambara SUN TZU wanditse agatabo kitwa “ Art of the war” aragira ati “ if you know the enemy and know yourself  you need not fear the results of hundred battles”  uhereye kuraya magambo, uhereye no ku ngero zifatika twatanze, muri iyi mpinduramatwara iri gukomanga ku mu ryango w’u Rwanda, ntakabuza ko abanyarwanda benshi  bafitiye ikizere Ihuriro Nyarwanda (RNC), kuko ba “kizigenza” baryo babanye na kagame, bafite uburyo igihumbi bakoresha  kugirango ahirikwe.

Nkunzurwanda Mihigo Alexis

RWANDA POLITICAL OPPOSITION FDU-INKINGI AND RNC HELD JOINT MEETING IN JOHANNESBURG

Johannesburg, 24 February 2013 - Members of the coordinating committees of FDU-INKINGI and Rwanda National Congres (RNC) held a joint meeting in Johannesburg, South Africa (19-24.2.2013). The meeting was attended by the following delegates from both political organisations : Nkiko Nsengimana, Charles Ndereyehe, Sixbert Musangamfura from FDU-INKINGI and Condo Gervais, Kayumba Nyamwasa, Patrick Karegeya and Paulin Murayi of RNC.

The participants expressed their gratitude to the coordinators of the joint platform for the tremendous work accomplished within two years since its inception and the signature of the joint memorandum of understanding in Montreux, Switzerland on 25 January 2010.

The participants committed themselves to pursue their efforts in order to empower the structures and reach the goal to transform the country.

The participants made the following recommendations :

1. to strengthen the partnership ;
2. to set up a joint working committee after internal consultation within the components ;
3. to appoint members of the joint task forces as soon as possible ;
4. to redouble efforts to effect internal change ;
5. to reinforce information dissemination and to enlighten our people about the precarious situation in the country ;
6. to continue and deepen our diplomatic outreach ;
7. to coordinate resource mobilisation inside and outside the country ;
8. to enhance our cooperation with other political parties. To this end, to put in place a mechanism to hasten the process of their subsequent participation in the activities of the platform ;
9. to reaffirm our commitment to struggle for democratisation and civil liberties in our homeland that have alluded us for decades but more so under the RPF government and are determined to mobilise Rwandans to fight for the independence of those crucial institutions ;

The meeting condemns in the strongest terms possible the current manoeuvres by President Paul Kagame to amend the constitution allowing him to stand for a third term and continue exacting human rights violations in Rwanda and in the Great Lakes region. The meeting calls upon all Rwandans, all neighbouring countries and the international community to roundly condem the efforts by President Kagame to endlessly perpetuate himself in power in Rwanda

The meeting took cognisant of the impending 30^th June 2013 cessation clause and resolved to continue working together with members of the civil society and other opposition parties, to mobilise the host governments to reject this horrendous human rights violation targeting Rwandan refugees.

The meeting supported the efforts by SADC countries for their contribution to the international force in the DRC to safeguard the lives of our Congolese sisters and brothers, and to halt the bloody conflict perpetuated by Rwanda under the pretext of M23.

The meeting condemn the detention of political prisoners including Madame Victoire Ingabire, FDU-INKINGI Chair ;Bernard Ntaganda, President of PS Imberakuri ; Deogratias Mushayidi, president of PDP Imanzi and Doctor Theoneste Niyitegeka and many others whose wherebouts are known or unknown. We demand the unconditional release of all those prisoners of conscience and the opening of political space.

COORDINATING COMMITTEE FDU-INKINGI

Head of FDU delegationDr. Nkiko Nsengimana

RWANDA NATIONAL CONGRESS (RNC)Head of RNC delegationGervais Condo

RWANDAN DIPLOMAT'S FATE HANGS IN BALANCE DUE TO HIS INVOLVEMENT IN CRIMINAL ACTIVITIES.

Pretoria - After we published leaked information implicating a Rwandan Diplomat, Didier Rutembesa, reliable sources have indicated in an email that the said man's future career and life hangs in balance after a complainant  sent a detailed letter to his lawyers early hours on Friday.

The man in his letter to the lawyer gave a chilling account on how Didier is determine to eliminate RNC chaiman Frank Ntwali as well as his brother-in-law Gen Kayumba Nyamwasa. Both men escaped attempt assassinations carried out by Paul Kagame's henchmen, who are currently kept in maximum prisons in Johannesburg.

Lawyers representing the complainant are expected to file an application at any given time this week. Meanwhile the court case involving Gen Kayumab Nyawasa continues in Jeppe Magistrate Court this week. It is likely that the accused will face long time in jail although during the hearings, some of them have come forward and started spilling the beans in hope that the magistrate will soften the sentence.

 Didier Rutembesa could not be reached for a comment. 

JD Mwiseneza
Pretoria

RWANDAN DIPLOMAT INVOLVED IN CRIMINAL ACTIVITIES EXPOSED

Breaking News - Pretoria – A Rwandan diplomat in Pretoria, South Africa has been exposed for his criminal activities against members of the Diaspora who are critics of the ruling regime in Rwanda specifically those belonging to Rwanda National Congress (RNC) ,a yet to be registered political part operating  outside Rwanda.

The diplomat ,Didier Rutembasa, who is under constant surveillance from the South African Intelligence officers, is known for his role in terrorizing Rwandan refugees as well as his involvement in a recent assassination attempt on Frank Ntwali, chairman of RNC in Africa.  

while RNC members celebrated two years of its existence by staging a picket at the Rwandan Embassy in Pretoria denouncing the regime’s ongoing suppression of human rights, freedom of speech , Rwanda’s support to the rebel movement M23 in Congo, Didier Rutembesa hired and equipped a Congolese refugee whose Identity is withheld for security reasons, with a recording equipments to spy on Gen Kayumba Nyamwasa as well as protesters who were present during the picket.

Fearing for his life, the Congolese refugee decided to seek for protection and handed over all incriminating evidence (recording machine, emails between him and the diplomat) to the lawyers who in return contacted the intelligence officers. Meanwhile they are waiting to official lodge a court case. In an email  exchange between the two men it reads as follows “The reason why it is only today that I denounce you is the fact that I needed some time to gather information and evidences, in addition to the death threat that you did to me 3 days ago(our telephone conversation the 21st January 2013 at 2:44pm)”.

“I request to my lawyer reading this in CC to open a case at the justice for: intimidation, manipulation  and exposure to the risk”.

After several failed attempts to have the South African authorities stop from issuing permission to the members of RNC, Didier sort to use Congolese refugees  to disrupt the picketing but it backfired when Congolese joined-hands with fellow refugees . “For your information, that money allowed those Congolese to pay their transport in order to join RCN in their claim because the claim of these ones was loyal and of common interest”.

Our attempts to contact the lawyers for the Congolese refugee was unsuccessful. 

JD Mwiseneza

Pretoria

IHURIRO NYARWANDA(RNC) RIKOMEJE UMUREGO MU GUHARANIRA IMPINDUKA MU RWANDA

Pretoria- Kuri uyu wa gatatu taliki ya 12 Ukuboza 2012, Ihuriro nyarwanda(RNC) muri Afrika y’epfo aho gukora ibirori by’isabukuru y’imyaka ibiri rimaze rivutse,ahubwo ryatangaje ko akazi aribwo kagitangira rihitamo gukorera imyigaragambyo ku biro bya Ambasade y’u Rwanda hano mu murwa  mukuru wa Afrika y’epfo!

Iyo myigaragambyo yari yatumiwemo n’abavandimwe bo mu bihugu bituranye n’u Rwanda yatangiye saa tanu kugeza saa saba,nkuko uruhushya rwatanzwe na Tswane Metropolitan Council rwabisabaga, ndetse ko itagomba no kurenza abantu magana abili(200) nyuma yaho ambasade ikoze ibishoboka byose ngo imyigaragambyo itemererwa gukorerwa imbere y’ibiro byayo ariko bikananirana gusa RNC igasabwa ko itagomba kurenza uwo mubare kubera ko ambasade yabeshye Tswane Metro Police ngo Ihuriro Nyarwanda rirategura igitero cyo kuyisenya! Ikaba yari igamije kwibutsa amahanga ndetse n’abanyarwanda bagitsimbaraye ku mahame ya FPR /Inkotanyi ko intambara ibera mu burasirazuba bwa Congo ari intambara bwite ya Perezida Kagame ko abakongomani n’abanyarwanda ari abavandimwe basangiye byinshi ko mu by’ukuri nta cyatuma barwana.Hakaba kandi harimo no gutabariza abasore n’inkumi bari mu ngabo z’u Rwanda batumva impamvu bajya gupfira inyungu z’umuherwe Paul Kagame nkaho ariwe Rwanda!

Abigaragambya basabye ko umwanya wo gukorera politike mu Rwanda ufungurwa, abafungiye ibitekerezo byabo bose bakarekurwa nta mananiza maze hagatangizwa ibiganiro bitaziguye abanyarwanda bose bagashakira hamwe umuti w’ibibazo bibateranya ntawe uniganwe ijambo. Bongeye kandi kwamagana ubugizi bwa nabi bukorerwa mu magereza azwi n’atazwi bukorwa kenshi n’inzego zishinzwe umutekano ziyoborwa n’agatsiko k’abasirikare b’indobanure bimitswe na Perezida Kagame.

Bwana Ntwali Frank uhagarariye Ihuriro nyarwanda by’agateganyo muri Afrika yashimiye abari aho bamwe bari baturutse kure nka Cape Town, anibutsa ko urugamba rwo guhindura amatwara mu Rwanda ruzakorwa n’abanyarwanda ubwabo kandi ko igihe nta kindi ari iki tugezemo! Ati: Abavuga ko RNC itabaho nka Ambasaderi Karega noneho bazongere bahakane ko RNC Itabagendereye ndetse ibazaniye n’ubutumwa bwiza bakanga gukingura! Yongera agira ati Ikinyoma ntigihabwa intebe kabili na leta y’afrika y’epfo Ambasade yabwiraga ko RNC ari gashoza ntambara,inkozi z’ibibi, n’ibindi... batangajwe n’ukuntu

imyigaragambyo yabaye mu mudendezo nabo ubwabo batamenyereye mu myigaragambyo isanzwe ikorwa n’abenegihugu. Akomeza agira ati aho naho twabatsinze ikindi maze amashyi ngo kaci kaci!

Michael Rwarinda

Pretoria